თინეიჯერობის პერიოდი ცხოვრების ერთ-ერთი ყველაზე მნიშვნელოვანი და დინამიკური ეტაპია, რომელსაც თან ახლავს ემოციური და ფიზიოლოგიური ცვლილებების მთელი სერია. ამ პროცესების დროს უმეტესად იცვლება ჩვენი ორგანიზმის ყველაზე დიდი ორგანო - კანი. თინეიჯერული გამონაყარი, ანუ აკნე, მხოლოდ ესთეტიკური დისკომფორტი არ არის, ესაა სიგნალი, რომ ჩვენს ორგანიზმს დახმარება სჭირდება.

ელიავას ფაგოთერაპიის ცენტრი- ბაქტერიოფაგის კლინიკა, რომელიც 1923 წლიდან ოპერირებს ქართულ და მსოფლიო ბაზრებზე, გთავაზობთ უნიკალურ, ბუნებრივ მეთოდს კანის დაავადებებთან საბრძოლველად.

 

რატომ ზიანდება თინეიჯერების კანი?

სანამ მკურნალობის მეთოდებამდე გადავალთ, უნდა გვესმოდეს პრობლემის სათავე. მოზარდობის ასაკში ჰორმონალური ცვლილებები, განსაკუთრებით ანდროგენების მატება, იწვევს ცხიმოვანი ჯირკვლების გააქტიურებას. კანის ცხიმი კეტავს ფორებს, რაც იდეალური გარემოა ბაქტერიების გასამრავლებლად.

აქვე უნდა ვიცოდეთ, რომ  კანის დაავადებები ხშირად შინაგანი პრობლემებითაცაა გამოწვეული. ელიავას კლინიკის სამედიცინო გუნდი მუშაობს ერთობლივად, რათა დადგინდეს, რამ გამოიწვია გამონაყარი, კუჭ-ნაწლავის ტრაქტის, იმუნური სისტემის თუ ჰორმონალური ბალანსის დარღვევებმა.

 

ფაგოთერაპია: მიდგომა დერმატოლოგიაში

ანტიბიოტიკებისგან განსხვავებით, რომლების ანადგურებენ  როგორც მავნე, ისე სასარგებლო ბაქტერიებს, ფაგები მოქმედებენ განსაკუტრებული სიზუსტით. ისინი ცნობენ მხოლოდ კონკრეტულ პათოგენურ ბაქტერიებს, შედიან მათში და შიგნიდან შლიან მათ.

ჩვენი მიდგომა გულისხმობს ფაგური პრეპარატების გამოყენებას როგორც ადგილობრივად (კრემების) ასევე ორალურად (დალევის გზით). რომელი ჯობს? შინაგანი მიღება ხელს უწყობს ორგანიზმის საერთო დეტო ქსიკაციას და მიკრობიომის მოწესრიგებას, რაც პირდაპირ აისახება კანის სისუფთავეზე.

 

დაავადებები, რომლებსაც წარმატებით ვმკურნალობთ

ელიავას კლინიკაში ჩვენი სპეციალისტები ფაგოთერაპიას იყენებენ კანის ფართო სპექტრის დაავადებების სამკურნალოდ.

1. აკნეს ინფექციური გართულებები (Infectious complications of acne)

როდესაც ჩვეულებრივი მოვლის საშუალებები აღარ მუშაობს, ეს ნიშნავს, რომ უკვე დაწყებულია ბაქტერიული ინფექცია. ფაგები ეფექტურად ებრძვიან იმ ბაქტერიებს,  რომლებიც იწვევენ ანთებასა და ჩირქოვან პროცესებს.

2. კანის სტაფილოკოკური და სტრეპტოკოკული ინფექციები

ეს ბაქტერიები ხშირად ხდებიან კანის მწვავე და ქრონიკული ანთებების მიზეზი. ფაგოთერაპია ერთ-ერთი გამოსავალია იმ პაციენტებისთვის, რომელთა ორგანიზმშიც ბაქტერიებმა ანტიბიოტიკების მიმართ რეზისტენტობა (მდგრადობა) განივითარეს.

3. ფოლიკულური და ჩირქოვანი გამონაყარი

ფოლიკულიტი (თმის ფოლიკულის ანთება) და სხვა ტიპის ჩირქოვანი დერმატიტები ხშირად მტკივნეულია და ტოვებს ნაწიბურებს. ფაგების გამოყენება აჩქარებს რეგენერაციას და ამცირებს ნაწიბურების განვითარების რისკს.

4. ჰიდრადენიტი (Hidradenitis suppurativa)

ეს არის საოფლე ჯირკვლების მძიმე ჩირქოვანი ანთება, რომელიც ხანგრძლივ და კომპლექსურ მკურნალობას საჭიროებს. ჩვენი გუნდი ფოკუსირებულია არა მხოლოდ სიმპტომების მართვაზე, არამედ იმუნური სისტემის გაძლიერებაზე, რათა თავიდან ავიცილოთ რეციდივები.

5. იქთიოზისა და ნეტერტონის სინდრომი

ამ გენეტიკური დაავადებების დროს კანი კარგავს დამცავ ბარიერს, რაც იწვევს მუდმივ ინფექციურ გართულებებს. ფაგოთერაპია აქ წარმოადგენს უსაფრთხო, ხანგრძლივ დამხმარე თერაპიას, რომელიც პაციენტის ცხოვრების ხარისხს მნიშვნელოვნად აუმჯობესებს.

 

მიკრობიომის შესწავლა - მკურნალობის გასაღები

ელიავას ფაგოთერაპიის ცენტრში მკურნალობა იწყება მიკრობიომის დეტალური შესწავლით. ეს ნიშნავს, რომ ჩვენ ვაიდენტიფიცირებთ იმ ბაქტერიებს, რომლებიც კანზე ან ორგანიზმშია დასახლებული და ვამოწმებთ მათ მგრძნობელობას ფაგების მიმართ.

ამ ინდივიდუალური მიდგომით ჩვენ ვაღწევთ მაღალ ეფექტურობას იქაც კი, სადაც სხვა მეთოდები უშედეგო აღმოჩნდა.

 

ფაგების უპირატესობა ანტინიოტიკორეზისტენტობის ეპოქაში

თანამედროვე მედიცინის ერთ-ერთი ყველაზე დიდი გამოწვევა ანტიბიოტიკებისადმი ბაქტერიების მდგრადობაა. ხშირად თინეიჯერები, რომლებიც წლების განმავლობაში ებრძვიან აკნეს, აღმოაჩენენ, რომ სტანდარტული მალამოები თუ აბები აღარ მოქმედებს, ეს იმიტომ ხდება, რომ კანზე არსებული ბაქტერიები სწავლობენ ანტიბიოტიკებთან ბრძოლას და მათზე აღარ რეაგირებენ. სწორედ აქ ვლინდება ბაქტერიოფაგის გადამწყვეტი უპირატესობა.

ფაგები  მუდმივად ვითარდებიან ბაქტერიებთან ერთად. ელიავას ფაგოტერაპიის ცენტრში ჩვენ ვიყენებთ პრეპარატებს, რომლებიც ეფექტურია რეზისტენტული შტამების წინააღმდეგაც კი. გარდა ამისა, ანტიბიოტიკებისგან განსხვავებით, ფაგოთერაპიას არ ახასიათებს გვერდითი მოვლენები, როგორიცაა კუჭ-ნაწლავის დისბიოზი ან კანის ზედმეტი გამოშრობა და გაღიზიანება, რაც ძალიან ხშირია აკნეს ტრადიციული მკურნალობის დროს.

კომპლექსური თერაპია

როდესაც ვსაუბრობთ იმაზე, რომ კანის დაავადებები შინაგანი პრობლემებითაა გამოწვეული, ვგულისხმობთ იმუნური სისტემის პასუხს გარე გამღიზიანებელზე. ელიავას კლინიკაში მკურნალობის პროცესი მოიცავს ორგანიზმის ზოგად გაძლიერებას. მაგალითად, იმუნური სისტემის სტიმულირება ფაგოთერაპიასთან კომბინაციაში საშუალებას გვაძლევს, პაციენტს შევთავაზოთ გრძელვადიანი შედეგი და არა მხოლოდ დროებით გაუმჯობესება.

განსაკუთრებით მნიშვნელოვანია ნეტერტონის სინდრომისა და იქთიოზის მქონე პაციებტებისთვის იმის ცოდნა, რომ ფაგოთერაპია  არის კანის ბარიერული ფუნქციის შენარჩუნების საშუალება. ბაქტერიული დატვირთვის შემცირებით, კანი უფრო სწრაფას ახერხებს აღდგენას, მცირდება ქავილი და ანთებითი კერები, რაც თინეიჯერებისთვის ფსიქოლოგიურადაც დიდი შვებაა.

ჩვენი კვლევითი ცენტრი, რომელიც 100 წელზე მეტია ლიდერობს ამ სფეროში, მუდმივად აუმჯობესებს ფაგების ფორმულებს, რათა  კიდევ უფრო ეფექტურად ებრძოლონ კანის ისეთ რთულ პათოლოგიებს, როგორიცაა ჩირქოვანი ფოლიკულიტი და ტროფიკული წყლულების  გართულებები.

 

რჩევები თინეიჯერებს: როგორ მოვუაროთ კანს ყოველდღიურად?

მკურნალობის პარალელურად, კანის ჯანმრთელობისთვის აუცილებელია სწორი რუტინა:

1. ნაზი წმენდა: მოერიდეთ აგრესიულ სკრაბებს. დაზიანებულ კანზე მექანიკური ზემოქმედება მხოლოდ ავრცელებს ინფექციას.
2. ჰიდრატაცია: ცხიმიან კანსაც სჭირდება ტენიანობა. შეარჩიეთ წყლის ბაზაზე დამზადებული საცხები.
3. ჰიგიენა: ხშირად გამოცვალეთ ბალიშის პირი და მოერიდეთ სახეზე ხელით შეხებას.
4. კვება: მიაქციეთ ყურადღება შაქრისა და რძის პროდუქტების მოხმარებას, მათ შეუძლიათ ანთებითი პროცესების სტიმულირება.

 

ასე რომ, თინეიჯერული აკნე არ არის მხოლოდ ასაკობრივი პრობლემა, ეს არის პერიოდი, როდესაც კანს სჭირდება კვალიფიციური დერმატოლოგიური დახმარება. გიორგი ელიავას სახელობის ინსტიტუტის ბაზაზე არსებული ჩვენი კლინიკა გთავაზობთ საუკუნოვან გამოცდილებასა და თანამედროვე ტექნოლოგიების სინთეზს. ჩვენი მისიაა, შემოგთავაზოთ მკურნალობა, რომელიც დაფუძნებულია ბუნებრივ საშუალებებზე- ბაქტერიოფაგებზე. გააძლიერეთ იმუნური სისტემა და აღიდგინეთ თქვენი კანის ჯანმრთელობა ჩვენთან ერთად.