ფაგოთერაპია

ფაგოთერაპია ინფექციების, განსაკუთრებით ქრონიკული და ანტიბიოტიკებისადმი რეზისტენტული შემთხვევების, მკურნალობის ეფექტური მეთოდია. დღეს მთელ მსოფლიოში ფართოდ გავრცელებულია ადამიანის ჯანმრთელობისთვის უკიდურესად საშიში ბაქტერიები, მათ შორის როგორიცაა რე­ზის­ტენ­ტუ­ლი სტა­ფი­ლო­კო­კი (MRSA), ბეტა-ლაქ­ტა­მა­ზე­ბის წარ­მომ­ქმნე­ლი ბაქ­ტე­რი­ე­ბი (ESBL), კარ­ბა­პე­ნემ-რე­ზის­ტენ­ტუ­ლი (CRE) და ვან­კო­მი­ცინ-რე­ზის­ტენ­ტუ­ლი (VRE) შტა­მე­ბი. ბაქტერიოფაგებს შეუძლიათ წარმატებით ებრძოლონ როგორც ანტიბიოტიკებისადმი რეზისტენტულ, ასევე ისეთ ინფექციებს, რომელთა ადეკვატური მკურნალობა ანტიბიოტიკებით შეუძლებელია დარღვეული სისხლის მიმოქცევის ან ბაქტერიული ბიოფილმების გამო. უფრო მეტიც, ჭრილობებსა და სხეულში ადგილმონაცვლეობის უნარი მათ დამატებით უპირატესობას ანიჭებს. გარდა ამისა, ფაგებით მკურნალობა ეფექტური გამოსავალია იმ პაციენტებისათვის, რომლებსაც ანტიბიოტიკებზე ალერგია აქვთ - ბაქტერიოფაგები მათი ცხოველქმედების სპეციფიკიდან გამომდინარე ხელს უწყობენ კუჭ-ნაწლავში ბაქტერიული ეკოლოგიის შენარჩუნებას. რამდენადაც ფაგები ბაქტერიებთან მებრძოლი ბუნებრივი ორგანიზმებია, ანტიბიოტიკებისადმი რეზისტენტობის ცვალებადობასთან გასამკლავებლად ისინი ფლობენ ადაპტაციისა და სახეცვლილების უნარს, რაც ამ ბაქტერიებთან საბრძოლველად „ახალი“ ბაქტერიოფაგების აღმოჩენის უზარმაზარ შესაძლებლობებს იძლევა. გიორგი ელიავას სახელობის ბაქტერიოლოგიის, მიკრობიოლოგიისა და ვირუსოლოგიის ინსტიტუტი, რომელიც საქართველოს დედაქალაქ თბილისში მდებარეობს, მსოფლიო ლიდერია ფაგოთერაპიის სფეროში. ინსტიტუტი გამოირჩევა ბაქტერიოფაგების უპრეცედენტო კოლექციით, რომელიც გამოიყენება ფაგური პრეპარატების შემუშავებისა და წარმოებისათვის.